एक जूगको एक दिन
करीब ७ दशक लामो जनचाहनाले मूर्तरुप लिएको यो दिन एक जूगको एक दिन भएर दर्ज भएको छ । नेपाली जनताले लामो समयदेखि गर्दै आएको अधिकार प्राप्तिको आन्दोलनबाट प्राप्त उपलब्धीहरुलाई संस्थागत गरेको यो अवसर सबै नेपालीको खुसीको दिन हो । संविधान ढुंगाको, ढुंगामा लेखिएको अक्षर होइन, अतः यसमा नसमेटिएका, नसमेट्न नसकिएका कुराहरुलाई फेरी पनि संशोधन माफर््त् धेरै कुराहरुको सम्बोधन गर्ने बाटो खुला छ । यहि बाटोबाट अब आगामि मागहरुलाई वैधानिकता दिनु जरुरी हुनेछ ।हुन त व्यक्तिगत रुपमा मैले केही पाउँछु, पाउँदिन तर खै किन हो किन यो आजको दिनले रोमाञ्चकता थपेको छ । कुनै समय यस्तो होस् जसले शरीरका कणकणमा नयाँ हलचल होस्, कुनै नयाँ जागिरमा सेटल भए जस्तो, कुनै नयाँ व्यापारमा लागेजस्तो । शरीरभरी अभूतपूर्व तरङ्ग । वेजोड किसिमको करेन्ट प्रवाह भएको छ । निकै पछि यस्तो किसिमको महसूस भएको छ । २०६२।०६३को जनआन्दोलन सफल भएको दिनहरु...
